зениттік пулемет қондырғысы

(Зенитная пулеметная установка)

автоматты қару. Ол арнайы станокқа орнатылған және 2000 м-ге дейін биіктегі әуе нысаналарын ату үшін жалпы көздеу механизмдері мен көздеу аспаптары бар бір немесе бірнеше (әдетте 2-4) зениттік пулеметтерден тұрады. XX ғ-дың 20 жылдарының аяғында пайда болды. З.п.қ. армияның құрлықтағы әскерлерінің, танк, БТР, кіші кемелердің, зениттік бөлімшелердің қаруы болып табылады. З.п.қ. өздігінен жүретін, тіркелмелі (дөңгелекті лафеті бар) және жылжымалы негізді (кемелерде, танктерде, БТР-да) және стационарлық болуы мүмкін. З.п.қ-ның атыс қарқыны минутына 6000 атысқа дейін, ұрыстық (жауынгерлік) ату жылдамдығы әр ұңғыға минутына 150 атысқа дейін болады.